| Примечание: | @028B CES CHOS MNGON PA MDZOD KYI DGONGS 'GREL GYI BSTAN BCOS THUB BSTAN NOR BU'I GTER MDZOD DUS GSUM RGYAL BA'I BZHED DON KUN GSAL ZHES BYA BA 'DI NI 'DZAM GLING MKHAS PA'I 'BYUNG GNAS DPAL LDAN BKRA SHIS SGO MANG GI THOG MAR KHANG CHEN SO SOS BSKUL KYANG DUS DBANG GIS DKA' SNYAM PA DANG, SLAR YANG CHOS GRVA NAS BSLAB PA GSUM LDAN MANG DU THOS PA'I DGE 'DUN RNAMS KYIS MAndAL DANG KHANG TSAN SO SOS KYANG NAN CHER 'DUL MDZOD GNYIS BSKUL ZHING, GZHUNG LUGS DANG LO RGYUS LA DEB SNGON PA LTA BU MKHAS PA GSER KHANG CHOS RJE GU NA MA TI'I CHAB SHOG GI RGYU MTSAN 'GREL LDAN DANG DNGOS SU NAN CHER GYIS KHAS LEN DGOS BYUNG ZHING, GZHUNG LUGS SMRA BA PHUG KHANG BLA MA BSOD NAMS MCHOG GRUB KYIS DUD DKAR DANG RIN CHEN NOR BU'I @029A *, ,GZUGS CAN GYIS DANG, NGE SOGS DU MAS BSKUL ZHING, PHYIS SU RGYAL BA'I BSTAN PA 'PHEL NA SNYAM PA'I THUGS DGONGS CHES CHE BA KHRI RIN PO CHE 'OD ZER PA SOGS DAM PA DU MA'I SKYE BAR RGYUD PA BDE THANG SPRUL SKU AER RDE NAS BLO BZANG GRAGS BSTAN MA DANG, MA RIG GNYID SANGS DANG RTAGS BRGYAD BCOM LDAN YUG DNGUL GYI GA'U RIN PO CHES RGYAN KHYAD 'PHAGS BCAS BSKUL BA'I NGOR, MKHAN CHEN DUS GSUM RGYAL BA'I RANG GZUGS RGYAL BA'I DBANG PO DANG, 'JAM MGON BLA MA MI'I GAR MKHAN KHRI RIN PO CHE NGAG DBANG BLO GROS RGYA MTSO'I ZHAL SNGA NAS YAB SRAS BZHI DANG, RDO RJE 'CHANG SMIN GROL CHOS KYI RGYAL PO DANG, PAn CHEN BKA' 'GYUR PA SBYIN PA RGYA MTSO DANG, RGYAL BA'I SRAS MCHOG ME RGAN RIN PO CHE SOGS DAM PA RNAMS KYI ZHABS RDUL SPYI BOR LEN PA SH'AKYA'I DGE SLONG MANG THOS 'JAM DBYANGS BZHAD PA'I RDO RJES, BDE MCHOG STONG 'GREL LUGS KYI THAMS CAD 'DUL DANG KONG RTZE'I LUGS KYI ME PHAG LO GRO ZHUN ZLA BA'I DKAR PHYOGS KYI RDZOGS PA GSUM PA'I NYIN CHOS GRVA CHEN PO DPAL LDAN 'BRAS SPUNGS KYI GAR BZHUGS THEG CHEN GTER MDZOD DU SBYAR BA'I YI GE PA NI YIG RIGS DU MA DANG DKA' BCU LEGS PAR SMRA BA SOG PO NGAG DBANG BLO BZANG DANG TSE BLOS GTANG GI MDO SMAD PA DGE SLONG CHOS BSAM GRUB GNYIS KYIS BYAS PA 'DIS KYANG RGYAL BA'I BSTAN PA SGO THAMS CAD NAS PHYOGS DUS GNAS SKABS THAMS CAD DU RGYAS PAR GYUR CIG , ,,BKRA SHIS,, ,, |
|---|